हालो दीवाना यहाँ क्यों बैठा आगे तो मौज मजा की है भजन लिरिक्स |

Halo Deewana Yahaan Kyon Baitha Aage to Mauj Maja Ki Hae Bhakti Bhajan Lyrics

हालो रे दीवाना यहाँ क्यों बैठा ,
आगे तो मौज मजा की है।
साँचा गुरूजी रा साँचा रे चेला ,
झूठा ने माया खा गई है। ओ जी।

सतगुरु दाता सेण बताई ,
म्हारी सुरता सुन्दरी जागी है।
अणघड फेरा फिरवा ओ लागी ,
वाने पिछम दिशा ले भागी है। ओजी।
हालो रे दीवाना यहाँ क्यों बैठा ,
आगे तो मौज मजा की है। टेर। ….

लेयर पिया ने सूती सेज में ,
करवट लेकर जागी है।
ओहम सोहम दोई ढोल बजावे ,
सूरज उगण ने लागी है। ओजी।
हालो रे दीवाना यहाँ क्यों बैठा ,
आगे तो मौज मजा की है। टेर। ….

अष्ट द्वादश जाकर देख्या ,
अबे झिलमिल ज्योति जागी है।
त्रिवेणी री घाटी लांघता ,
सोहन शिखर गढ़ आ गई है। ओजी।
हालो रे दीवाना यहाँ क्यों बैठा ,
आगे तो मौज मजा की है। टेर। ….

शंकर सामी सेण बताई ,
असंख जुगा से आगी है।
रामो रे दुर्बल गुरूजी रे शरणे ,
म्हारी सूती रे नगरी जागी है। ओजी।
हालो रे दीवाना यहाँ क्यों बैठा ,
आगे तो मौज मजा की है। टेर। ….