कुण बेरण ले गई बा म्हारी बांसुरी भजन लिरिक्स

भजन:- बांसुरी

 तर्ज – बाईसा रा बीरा जयपुर

कृष्ण-ओ !राधा म्हाने सांचो बताओ जी

कुण बेरण ले गई बा म्हारी बांसुरी ।

राधा सांवरिया प्यारा म्हे नहीं जाणांजी,

कुण बैरण ले गई बा थारी बांसुरी ।

कृष्ण-ओ ! राधा थांने काई बतावां जी-२

हिवड़े सू भी ज्यादा लागे प्यारी बांसुरी ।

राधा-सांवरिया प्यारा मधुवन चालां जी-२

घणी हो ल्यावां बांसां री बांसुरी ।

कृष्ण-ओ ! राधा म्हारो जी ना जलावो जी-२

थे ल्यादो बा म्हारी मनड़ा री बांसुरी ।

राधा-सांवरिया म्हाने भोत सताया जी-२

म्हारो मनड़ो ललचायो बैरण थारी बांसुरी ।

कृष्ण-ओ ! राधा थांने कदै ना सतावां जी-२

म्हाने सोगन है थारी ल्यादो म्हारी बांसुरी ।

राधा-थारी बंसी कितरो, नाच नाचयो जी-२

सारा जुग न मोह्यो, जादूगारी बांसुरी ।

कृष्ण-ओ ! राधा थांने पाछी दे देस्यां जी-२

एक बर तो देद्यो उधारी बांसुरी ।

कवि-राधा थे कांई पुन्य कमाया जी-२

वश में थारे दोन्यू गिरधारी बांसुरी

भजन के बोल :-

कृप्या यह भजन लिरिक्स ब्लॉग कॉपीराइट है इसलिए उपयोग में लेने से पहले bhaktibhajandiary@gmail.com पर सम्पर्क जरुर करे||