पचरंग फागणियो रंगादे होळी खेलण नै रे पचरंग फागणियो होली धमाल हिंदी लिरिक्स

पचरंग फागणियो रंगादे होळी खेलण नै रे पचरंग फागणियो

खेलण न रे होळी खेलण न रे, पंचरंग फागणियो

पहले तो रंग म्हारा, सुसरो जी प्यारा

लाड़ लड़ाई म्हाने बाबुल की रे, पचरंग फागणियो

दूसरो रंग म्हारा, सासूजी प्यारा,

याद भुलाई म्हारी मायड़ की रे, पचरंग फागणियो

तीजो तो रंग म्हारो, देवर प्यारो

काजळियो रे म्हारी आख्यां को रे, पचरंग फागणियो

चौथो तो रंग म्हारी, नणदल प्यारी

कोयलड़ी रे म्हारी बागां की रे, पचरंग फागणियो

पांचवो तो रंग म्हारा, छैल भंवर जी प्यारा

हिवड़ै लगाई म्हानै रंग रसियो रे, पचरंग फागणियो।